Documentación, delimitación, estado de conservación e valoración científica e patrimonial do xacemento arqueolóxico de Aquis Querquennis (Baños de Bande, Ourense)

Abstract

O obxectivo principal deste artigo é o de documentar, delimitar e valorar os problemas de conservación e a relevancia histórica e patrimonial do xacemento arqueolóxico de Aquis Querquennis (Baños de Bande, Ourense). Para iso, delimitouse o máis exactamente posible a extensión e a entidade do xacemento (áreas escavadas e sen escavar), documentáronse todas as intervencións realizadas (antigas e recentes), recompilouse toda a información arqueohistórica obtida delas e, por último, diagnosticáronse os problemas de conservación e exhibición do xacemento, especialmente os derivados da afección das augas do encoro.