As sociedades agrarias de transformación

Abstract

No ADN das entidades que constitúen a Economía Social (ES) figuran varías características que permiten configurar un status distinto das empresas tradicionais. Entre elas destacan as seguintes: non se procura o lucro, se repercute os beneficios entre os partícipes, existe un control democrático, as aportacións se remuneran limitadamente e o reparto de bene-ficios basease na proporcionalidade. En consecuencia, as empresas que participan na ES son netamente distintas daquelas que operan dende a perspectiva mercantil. Nos últimos anos, e sobre todo nos momentos posteriores á situación de crise económica como a que estamos a vivir, comprobase un maior interese en potenciar as actividades da ES no sector primario. O anterior persigue varios obxectivos, entre os que destacan dous: a revitalización do eido rural, o que sen dubida favorecera a repoboación para combater o problema da “España vaciada” (Vaquero e Losa, 2020) e por outra banda, acadar un procedemento de explotación responsable, seguindo as directrices marcadas polos Obxectivos de Desenvolvemento Sostible (ODS) das Nacións Unidas, dentro dunha contorna que garanta un maior aproveitamento dos recursos locais tan presentes nas actividades agrícolas, gandeiras e forestais. Un exemplo deste tipo de actuacións son as Sociedades Agrarias de Transformación (SAT), que aglutinan nunha soa entidade todas as características previamente descritas. O anterior presenta unha maior importancia cando o peso económico e social do sector primario é elevado, como ocorre en Galicia, basta re-cordar que na nosa CA, o peso do sector agrario no Valor Engadido Bruto (VAB) e no em-prego representa o 3,4 % e o 3,8 % respectivamente (López-Iglesias, 2019). Esta porcentaxe sería do 6,9 % se consideramos o sector agroalimentario. Asemade, o sector primario re-sulta vital para mitigar o proceso de despoboamento da Galicia interior e frear a polarización económica cara a Galicia do litoral, ao anterior hai que engadir do papel que pode exercer para a conservación do medio natural (Informe Ardán, 2020). En consecuencia, compre abordar o papel das SAT en Galicia. Para iso, o esquema que seguirá será o seguinte. Tras esta introdución, o segundo apartado aborda o concepto e características destas entidades. A continuación, realizase a través dunha análise comparada, o estudo das SAT en Galicia. Posteriormente se prantexan unha serie de recomendacións que posibilitan valoran a importancia das SAT sobre o sector primario. Finaliza este estudo cunha serie de conclusións.